LOGGED-ON

Beleche duc i studenc anter i 14 e i 19 egn che va te scoles profescionèles i à de bona competenzes digitèles e ti egn i se à fat ite co la tecnologies informatiches a durèr si portaboi, tablet e smartphone e a tor pèrt ai social media.
La maor pèrt de la scoles, anchecondì, ge dèsc ai studenc l met de jir su Internet, de durèr piataformes per l studie e tabeles interatives multimedièles, ma demò pec dozenc doura chisc strumenc coche carenea per na didatica interativa e trasversèla che mete al zenter l student.

Chest projet de formazion Erasmus +, finanzià da l’UE, vel didèr i ensegnanc che no é spezialisć de TIC a tor ite più ativamenter si studenc te la didatica con chela de ge dèr l met no demò de miorèr la competenzes digitèles che i à jà ma ence de crescer a na vida sozièla e personèla e svilupèr competenzes utoles tel mond del lurier, no demò aldidanché ma ence tel davegnir.

Che él che va polito, olà e perché?
L projet LGGED-ON l’é n projet de enrescida-azion che perveit la colaborazion anter cinch scoles partner de cinch paìjes europeans desvalives – Norvegia, Inghiltera, Irlanda, Spania e Tèlia – che ge dèsc formazion profescionèla a studenc anter i 14 e i 19 egn.
L project vel entener chel che va polito te la didatica, olà e perché, per chel che revèrda la formazion e l sostegn che ge vegn dat ai dozenc, ai sorastanc, e ai etres profescionisć de la scola per arjonjer i obietives che aon dit soravìa.

Sparpagnament de la prateghes didatiches miores
L projet LOGGED-ON vèrda fora la possibilità de sparpagnèr e spartir la prateghes didatiches miores e, se serf, les mudèr acioche les posse se adatèr ai besegnes e ai contesć culturèi, sozièi e educatives spezifics di desvalives stac euorpeans. A chesta vida, l ge dèsc ai studenc de la scoles profescionèles l sostegn che ge vel per fenir si studies con suzess e ruèr a ciapèr califiches trasferiboles che zertifichea neva capazitèdes per neves lurieres e neves posć de lurier.

I ejic maores che se se speta:

• Pachec de ressorses cumulatives e n sit web sostegnibol per ge dèr formazion e didament ai dozenc e ai sorastanc che vel se sproèr a miorèr sia competenzes digitèles dessema a cheles de si studenc e durèr i strumenc digitèi che i à a la leta a na vida più percacenta.
  
• Desmostrazion de la prateghes miores tras video, analisa de documenc, referac per publicazions academiches e profescionèles, e etres prodoc ouc a la comunitèdes regionèles e nazionèles.
  
• Corsc de formazion finanzié da la UE per i dozenc de la scoles che tol pèrt al projet, sorastanc, conseieres educatives, referenc per i project de orientament e alternanza scola-lurier, comembres de la comunitèdes educatives per la formazion profescionèla
  
• Na conferenza internazionèla per portèr dant chesta competenzes digitèles te l’educazion profescionèla co l’obietif de sostegnir l’entrèda tel mond del lurier
  

Questa pubblicazione è stata realizzata con il supporto del Programma Erasmus+ dell’Unione Europea. LOGGED-ON è il diretto responsabile dei contenuti di questa pubblicazione, i quali non riflettono in alcun modo il punto di vista dell’Agenzia Nazionale e della Commissione Europea.